නිවුන්නු

යදිමින් සෙනෙහස
හඬන විට අප දෙදෙන
පැදුර මත මා තනිකොට
සොයුරු ලදි ඒ සෙනෙහස

එකම ළඳකට පෙම් බැඳි
ලදිමි ඵල
ගුණ වැලක් මා වෙත
සොයුරා ලබන තුරු ඒ ප්‍රේමය

කරුමය ද උරුමයද
ලෙස බෙදුණ්ය් ඒ රහස
පෙනුම මිස වෙනත් කිම..

මට එරෙහි වූ පන්සල

පෝෂණය කර හැදූ
ලස්සනට පිපී තිබුණ
මලේ සිට
ගෙදර හැදුන හොඳම දේ ත්
හැදුන සරු පළතුර ත්
පෙම් බැඳි කෙල්ල ත්
උදුරා ගත්
ඒ සුන්දර අසපුවට
කෙසේ මා ගෞරව කරන්නද?

මූසිල නැති දා..

බිහි උනොත් තව තවත්
මූසිල වැනි උන්
ගුත්තිලට සිදු වේවි
ඉගෙනුමට බොහෝ දේ..

XයසෝධරාX

කෙළෙසුන් සොයා යන
ඒ මතම පිනැවෙන
හැපෙමින් සිටින හෙට දින ගැන
කුමට මට යසෝධරාවක්..

ප්‍රතික්ශේපය..

උපන් දා සිට
ඔය චාටු බස් අසා
සහිත්‍යය ම මට තිත්තයි
මේ කියන්නේ ඇත්තමයි
කියන්න බිය නැතුව
අකමැතියි මා නුඹට
විරූපී ඔබ ගතට..

ෆැන්ටසි රජ වාසල

රජ වාසල වෙත යන්න
බසයක හිඳ ගතිමි
ටිකට්ටුවට ගෙවන්නට
සිඟා ගත් මුදලක් ද අතැතිව
බැලූ බැලූ දස අතම
එතුමා ගේ මුහුණම යි
යුව රජුන් පිරිවරා
එතුමා තේජසින්..
හැදෙන කැඩෙන හැම තැනම
එතුමාගේ මුළු නමයි..
රටේ නම වෙනුවට
ඒ නම හරි හොඳයි..

හදවතකට ඇබෑර්තුවක් ඇත..

හදවතක් රෝපණය කරන්නට
එහා රටකින්
පිරිවරක් පෙරටු කොට
අයෙක් පැමිණෙතැයි සැකයෙන්
දොරගුළු ඇර
බලා හිඳිමි
අඩුම තරමින්
දකිනාටවත් හදවත..

"ගාල්ලේ කොටුව පෙම්වතුන්ට තහනම්" (පුවතක්)

ඔබ ලියූ පෙම් පත
රජ වාසලේ අවසරයෙන්
ලැබුණෙ මා අතටමයි
කියවන්නට කිසිවක්
ඉතුරු නොකරමි
තහනම් කර තිබුණි
නොහොබිනා වචන ගොඩ
ඉතුරු වූ එකම වචනය
අවසානයි...

රජතුමා..

අපට හිටියේ
කන්න දෙන රජෙකි
ඒ රජා දුටු ගමන්
දමයි ලා දසන් පෙළ
දස අතට
කවයි අපටම
අපේ ම මස්
හරි ප්‍රණීත ලෙස

Fantaසි

රජෙක් නොදැකම
මියෙන්නට සිටි මට
රජෙක් දැක
ඔහුගේ කේවට්ටයන් ද
විකටයන් ද
පරිවාරක අන්තඃපුරයන් ද
දැසි දස්සන් ද දැක
මියෙන්නට
වාසනාව ලැබී ඇත...

ලැජ්ජාව...

නිරුවත් වූ මුල් දිනේ
දැනුණි ලැජ්ජාවක්
දෙදින ද
තෙදින ද
ගෙවී ගොස්
ඉතුරු වූයේ
විළි ලැජ්ජාවක්
නොමැති කම...

ඉන්ටnet රැකියාවක්..

රැකියාවක්!!
"බිඳීම කන්‍යා භාවය"
ලෙහෙසි නැහැ ඒ වැඩෙත්
අවබෝධය,
ඉවසීම,
මෙකී නොකී බොහෝ දෑ
ප්‍රගුණ කළ යුතුව ඇත
ලබන්නට රැකියාව..

මල් බඹර සංවාද

මලුත් බඹරුත්
කතාකරති
නොනවත්වාම
බොහෝ දේ
නොතකා ම
බිහිවූ බිම...

මම

තටු හැළෙන
බඹරකු බව දැන දැනත්
සිතයි බඹරකුම බව..

FAN tazy

දමා නො ආ
මතකයේ පෙට්ටගම
මතින් විත්
මා සනසා යන
දුටු දා යළිත් ඔබ
වෛරයක් බිහි විය
වර්තමානය පිළිබඳ...

fantaZY

පිරී ඇති ලඳුන් පීරමින්
සොයා ගතිමි ඉන් එකක්
රතියට සැරසුන මුත්
ඉඩක් නොමැත
පිරී ඇත වැසිකිලියම
දුගඳින්...

fAnTAsy

ස්තූතියි අල්ලට
නොමගට යන මට
සුමගට ගන්නට
දිවා රෑ නොබලා
විඳින දුක් දහරට..

පෙම

ළමැදට
කළවට
එකී නොකී පෙදෙසට
පෙම් කළ නිසා
දමා යා හැකිය ඔබ
හදවතට පෙම් නොකළ නිසා...

සැනසිල්ල

වෙරළ සනසා
ඇදෙන දිය රළ
කියයි සයුරට
ලබුණ නින්දා....